Muqdisho-SONNA) Agaasimaha Guud ee Wasaaradda Qorsheynta, Maalgashiga iyo Horumarinta Dhaqaalaha ee Dowladda Federaalka Soomaaliya, Mudane Maxamed H. Shire, ayaa ka mid ahaa wafdiga rasmiga ah ee ka qeybgalay shirweynaha guga ee Sanduuqa Lacagta Adduunka (IMF) iyo Bangiga Adduunka oo sanadkan 2025 ka dhacay magaalada Washington DC.
Agaasimuhu wuxuu Soomaaliya ku matalay kulan gaar ah oo ay yeelatay Kooxda Wadatashiga Afrika (African Consultative Group – ACG), iyadoo halku-dhigga sanadkan uu ahaa: “Xoojinta Adkaysiga Afrika.” Shirka waxaa furay Agaasimaha Guud ee IMF, Marwo Kristalina Georgieva, waxaana ka qeybgalay madax sare oo ka kala socday dalalka Afrika, kuwaas oo si qoto dheer uga wada hadlay:
Caqabadaha dhaqaale ee qaaradda Afrika saameeyay,
Xoojinta iskaashiga ganacsi ee heer gobol,
Iyo dhiirrigelinta adkaysiga maaliyadeed iyadoo la tixgelinayo isbeddellada dhaqaalaha caalamka.
Ka qeybgalka dowladda Soomaaliya ee shirkan heer caalami ah wuxuu muujinayaa kaalinta firfircoon ee ay Soomaaliya kaga jirto madalaha caalamiga ah ee horumarinta iyo iskaashiga dhaqaale, taas oo muhim u ah dib-u-dhiska iyo kobaca dhaqaalaha
