Muqdisho (SONNA) Khawaarijta ayaa tuulada Wadaariq oo hoostagta degmada Xarardheere ee gobolka Mudug ku dishay lix xubnood oo ka tirsanaa Maleeshiyaadka u dagaallama, ka dib markii uu soo kala dhex galay kala shaki ka dhashay guul darooyinka is daba joogga ah ee ay wajahayaan.
Saraakiisha ciidanka xoogga dalka ee aagga Xarardheere ka wada howlgalka sifeynta Khawaarijta ayaa noo xaqiijiyay dhacdadaan oo galabta ka dhacday deegaankaas.
Warka ayaa intaas ku daray in Khawaarijtu lixdaan xubnood ka soo dhex saareen maleyshiyaadkooda kuna hor toogteen si kuwa kale ay ugu cabsi galiyaan.
