Muqdisho-(SONNA)-Ergeyga Gaarka ah ee Xoghayaha Guud ee Qaramada Midoobay u qaabbilsan Soomaaliya James Swan ayaa dhambaal hambalyo ah oo ku aaddan 65 guuradii kasoo wareegatay xoriyadda iyo midowgii labada gobol u diray ummada Soomaaliyeed.
Mr; Swan ayaa sheegay in Soomaaliya ay wax badan ku faani karto, oo ay ku jiraan guulaha laga gaaray horumarinta nabadda, barwaaqada iyo maamulka, inkastoo ay soo food saartay caqabado.
“Anigoo ku hadlaya magaca bahda Qaramada Midoobay ee Soomaaliya, waxaan u dirayaa dhammaan Soomaalida hambalyo maalintan muhiimka ah, waxaanan xaqiijinayaa sida ay uga go’an tahay Qaramada Midoobay in ay taageerto Soomaaliya, maadaama ay ku dadaalayso horumar weyn oo sannadaha soo socda”.
