Dalkeenna Soomaaliya muddo laaba sano ah ayaa waxaa u qabsoomay arrimo badan oo ay horey u sii qorsheysteen, Soomaaliya waxa u ku biirtay Bulshada Bariga Afrika, waxaan helnay Kursiga Golaha Ammaanka ee Qarmada Midoobay, Soomaaliya waxaa kaloo laga qaaday Cuna-qabateynta hubka, waxaan ku guuleysannay Daynta Cafinta, waxaa heer geba-gabo ah maraya dhameystirka Dastuurka, waxaa sidoo kale laga shaqeynayaa Ciribtirka Khawaarijta, si loo xaqiijiyo Soomaaliya oo Amniga ah 100% insha Allah.
โkama cabsanayno kuwa isku dayaya inay Afka ku duminayaan Dowladnimada, ee horseed ayaan u noqonaynaa in bulshada ay naga helaan waxay rabaanโ Madaxweynaha oo ka hadlayay munaasabad lagu xusayay 64 guuradii kasoo wareegatay maalinta Xorriyadda Soomaaliya iyo midowgii labada gobol oo dhawaan lagu qabtay Muqdisho ayaa intaa raaciyay in ay horseed noqonaynaan ka dowlad ahaan in bulshada ay helaan waxa ay doonayaan.
Khudbadda Madaxweynaha oo dhinacyo badan taabanaysay ayaa wuxuu si gaar ah diiradda u saaray dowlad wanaagga iyo sida ay beesha caalamka ula dhacsan tahay horumarrada la gaaray, wuxuuna Madaxweynuhu ka digay in aan lagu kadsoomin kuwa sawirrada qaldan ka bixinaya horumarrada la taaban karo ee ay gaartay dowladdu, isagoo sheegay inaanan layska indha tiri karin guulaha is-daba joogga ah ee lagu tallaabsaday labadii sano ee lasoo dhaafay, haatanna uu rajeynayo in horay loogu socdo.
Ra’iisulwasaaraha Xukuumadda Soomaaliya Mudane Xamsa Cabdi Barre ayaa isna sidoo kale tilmaamay horumarka iyo isbeddelada waaweyn ee dalka ka socda, isagoo rajo weyn ka muujiyey in Soomaaliya ay gaari doonto mustaqbal ifaya oo ka tarjumaya himilooyinka shacabka Soomaaliyeed.
โWax wada-hadal ah oo aan la furnay Khawaarijta ma jirto waa been, dadka Soomaaliyeed waxaan rabaa walaahoowgaas in ay aad iyo aad uga baxaanโ, ayuu yiri Madaxweynaha Jamhuuriyadda Federaalka ee Soomaaliya, mar uu ka hadlaayay arrinta ah โ wax wadahadal ah ma lala gali karaa Kooxda โKHAWAARIJTA AHโ ee Al-shabaab, iyadoo hadalkaasi Madaxweynaha ayaa imanaya xilli maalmihii u dambeeyay leysla dhex marayay in uu jiroย qorshe ku aaddan wada hadallo lala furo khawaarijta, taasi oo uu Madaxweynuhu ku sheegay โwax kama jiraanโ oo aan sal iyo raad laheyn, isagoo ku cel-celiyay in aysan muuqan wax ay ka wada hadli karaan khawaarijta.
โma jiraan wax wada hadal ah oo ay dowladdu la furtay khawaarijta, waayo wax ka dhaxeyn kara ayaanba jirin:, ayuu si cad u sheegay Madaxweynaha Jamhuuriyadda federaalka ee Soomaaliya Dr: Xasan Shiikh Maxamuud.
Madaxweynaha oo ka hadlayay munaasabad lagu xusayay 1-da Luulyo oo xalay lagu qabtay Muqdisho ayaa sheegay in dowladda iyo khawaarijtu aysan yeelan wax wada hadal ah, wuxuuna dadka Soomaaliyeed faray in ay iska saaraan walaahoowga arrintaasi ku aaddan.
Abwaan Cusmaan Guure ayaa waxaa laga hayaa โBILAASH KU DOODYA BEEN HAWAAS, WAX BADAN KAMA SOO BAXAANโ.
