Muqdisho (SONNA) Guddoomiyaha golaha shacabka Baarlamaanka Jamhuuriyadda Federaalka Soomaaliya mudane Sheekh Aadan Maxamed Nuur (Madoobe) ayaa xafiiskiisa maanta ku qaabilay danjiraha dowladda Isutagga Imaaraadka Carabta mudane Axmed Jumah Al-rumayth.
Guddoomiyaha golaha bhacabka iyo danjire Al-rumayth ayaa ka wada hadlay xoojinta xiriirka iyo iskaashiga labada dal, sidii loo sameyn lahaa guddi saaxiibtinimo oo ka kooban labada Baarlamaan.
Sidoo kale guddoomiyaha ayaa bogaadiyey doorka Isutagga Imaaraadka Carabta ay ka qaateen la dagaallanka kooxda Khawaarijta iyo horumarinta ciidamada Soomaaliya.
