Muqdishisho-(SONNA)-Banaanbax ballaaran oo looga soo horjeedo weerarkii Argagixiso ee uu cadawga Al-Shabaab ka geystay Ex-control Afgooye ayaa haatan ka socda Magaalada Muqdisho.
Mudaharaadkan oo ay isugu soo baxeen Kumanaan Qof oo ka kala socda 17-ka Degmo ee Gobolka Banaadir ayaa waxaa ka muuqata shucuur ay ku muujinayaan xasuuqa ay Al-Shabaab ku hayaan Shacabka Soomaaliyeed.
Dadweynaha isu soo baxay ayaa lulayay Calanka Soomaaliya iyo Boorar ay ku qoran yihiin hal-kudhigyo ka dhan ah ficillada gurracan ee Al-Shabaab, iyagoo ku dhowaaqayay ereyo ay Cadowga ku cambaareynayaan.
Shacabka isu soo baxay ayaa sidoo kale lulayay Sawirrada Madaxweynaha Dalka Turkiga, Recep Tayyip Erdoğan, iyagoo ku ammaanay doorkii ay Dowladdiisu ka qaadatay gurmadka loo fidiyay Dadkii ku waxyeelloobay Qaraxii 28-kii Desembar 2019 ka dhacay Ex- Contarol Afgooye.
