Muqdisho,(SONNA):- Xulka Qaranka ee 17 jirada Soomaaliya ayaa guul ka gaaray kulan xiiso leh oo ay la ciyaareen dhigooda 17 jirada dalka Suudaan oo ah martigaliyaasha Koobka qaramada qaaradda Afrika. ciyaarta galabta ayaa ka dhacday magaalada Kampala ee caasimadda dalka Uganda.
Xulka qaranka dalkeenna ayaa 1-0 uga badiyay xulka qaranka Suudaan, waxaana ciyaarta oo aheyd mid adag u suurtagashay in xulka Qaranka ee 17-jirada Soomaaliya ay helaan goolkooda koowaad, taas oo ugu dambeyn keentay in ay iyagu guusha raacdo.
Shacabka Soomaaliyeed ee ku dhaqan dalka Uganda ayaa si weyn ugu dabaaldegay guusha xulka Qaranka 17-jirada, Soomaaliya ee galabta ka dib ciyaar ku soo idlaatay magaalada Kampala, waxayna sheegeen in ay ku faraxsan yihiin guushaas, waxayna tilmaameen in ay ku bogaadinayaan ciyaaryahanada da’da yar in ay Guruubyada ka soo baxaan.
