Muqdisho-(SONNA)-Wasiirka Wasaaradda Caafimaadka iyo Daryeelka Bulshada ee Xukuumadda Federaalka Soomaaliya Cali li Xaaji Aadam ayaa maanta daahfuray mashruuc cusub oo loogu talagalay taageerada hooyooyinka iyo carruurta nugul ee ku nool deegaanada ay abaaruhu saameeyeen, gaar ahaan kuwa u baahan gargaar caafimaad iyo nafaqo degdeg ah.
Mashruucan waxaa maalgelinaya King Salman Humanitarian Aid and Relief Centre (KSRelief), waxaana fulinaya Hayโadda Cuntada Adduunka (WFP), iyadoo uu qorshuhu yahay in ay ka faaโiideystaan qoysas Soomaaliyeed oo u baahan gargaar caafimaad iyo nafaqo si loo yareeyo saamaynta nafaqo-xumada iyo cudurrada la xiriira.
Munaasabadda daahfurka mashruuca oo lagu qabtay magaalada Muqdisho ayaa waxaa ka qeybgalay masโuuliyiin ka socday Wasaaradda Caafimaadka, WFP, KSRelief, iyo bah-wadaagta caafimaadka ee dowladda iyo hayโadaha caalamiga ah.
Wasiirka Caafimaadka iyo Daryeelka Bulshada ayaa sheegay in mashruucan uu yahay mid muhiim ah oo wax ka taraya badbaadinta nolosha bulshada nugul, isagoo uga mahadceliyay Boqortooyada Sacuudi Carabiya taageerada joogtada ah ee ay la garab taagan tahay shacabka Soomaaliyeed.
โMashruucani wuxuu gacan ka geysanayaa yareynta dhibaatooyinka nafaqo-xumada ee ka jira deegaanada ay abaaruhu saameeyeen, wuxuuna ka tarjumayaa xiriirka iyo iskaashiga wanaagsan ee ka dhaxeeya Soomaaliya iyo Boqortooyada Sacuudi Carabiya,โ ayuu yiri Wasiirka Caafimaadka.
