England(SONNA)- Kooxda kubadda cagta Tottenham ee ka dheesha horyaalka Premier League Ingiriiska ayaa la soo warinayaa inay la xiriirtay macallin Jose Mourinho.
Waxaa kordhaya wararka la xiriirinaya Tababare Mauricio Pochettino in laga diri doono kooxda Spurs, kaddib natiijooyinkii hooseeyey oo uu ku hoggaamiyey kooxda.
Sida uu warinayo Warsidaha Soccer Link Kooxda kubadda cagta Tottenham ayaa la xiriirtay Jose Mourinho si uu macallin ugu noqdo.
Macallin Mauricio Pochettino ayaa ka sii jeeda waqooyiga Magaalada London kaddib markii Tottenham ay ku bilaabatay si liidata xilli ciyaareedkan, inkastoo ay si aad ah maalgashi u sameysay kooxdu suuqii xagaagan.
Maadaama Mauricio Pochettino uu qarka u saaran yahay inuu waayo shaqadiisa, haddana kooxda Spurs waxay la xiriirtay macallin Jose Mourinho sii uu u buuxiyo booskiisa.
Tababaraha reer Portugal ee Mourinho ayaa qudhiisu xiisaynaya inuu buuxiyo booska hoggaamiyaha Spurs ee reer Argentina, Mauricio Pochettino sida ilo wareedyo hoose ay sheegayaan.
