Saraakiil sar sare oo ka tirsan Turkiga iyo Russia ayaa dhagaxa dhigay dhismaha warshaddii nugliyeer ee ugu horeysay ee Turkiga yeeshay taasoo laga dhisayo magaalo xeebeedka Koofureed ee Marsin.
Warshaddan oo lagu magacaabo Akkuyu ayaa la filayaa in ay shaqo bilowda sanadka 2023,iyadoo dhismaha Marshuucaan la soo bilaabay sanadkii 2018-kii ka dib heshiis labada dowladood wada saxiixdeen.
Dhismaha warshaddaan waxaana ku baxaya adduun gaaraya $20-bilyan ,waxaana marka la dhameystiro mashruucaan la filayaa in a y soo saarto 35 Bilyan oo Kilowatt saacaddii.
Madaxweynaha Turkiga Recep Tayyip Erdogan ayaa sheegay in mashruucan uu calaamad u yahay iskaashiga Turkiga iyo Russia.
Dhankiisa madaxweynaha Russia Vladimir Putin, oo xafladda kaga qeybgalay aaladda fogaan araga ayaa sheegay in mashruucan uu yahay mid qiimo weyn leh.
Warshadda Akkuyu ma ahan tan keliya ee Turkiga yeelan doono sidoo kale warshaddii labaad ee tamarta Nugliyeerka ayaa laga dhisi doonaa gobolka Badda madow ku yaala ee Sinop kaas oo ay iska kaashanayaan Turkiga iyo Japan.
