Turkey(SONNA) Waxaa ay sii kordhayso tirada dadka qaxootiga ah ee ka gudbaya xadka u dhaxeeya Turkiga iyo Griiga, Ayaawararku waxay sheegayaan in tiradda dadka qaxootiga ah ee ka gudbay xadka ay kor u sii dhaafayso in ka badan 80,500, kuwaasi oo doonaya in ay uga gudbaan Turkiga dhanka Yurub,sida ay ku soo waramayso (Ifraax Cabdullaahi) oo ka tirsan wakiiladda Warbaahinta Qaranka ee dalka Turkiga.
Dadkaasi oo isugu jira ajaaniib kaladuwan ayaa waxaa qeyb ka ah muwaadiniin Soomaaliyeed,Wararka waxay xaqiijinayaan in dhibaatooyin badan ay wajahayaan dadkaasi naftoodki ku biimeeyey halista tahriibka,sida cuno la’aan biyo,hooy,iyadoo cimiladu ay yihiin kuwo aad u qabow.
Qaxootiga ayaa ka tagaya Turkiga iyagoo sii maraya waqooyiga Galbeed ee gobolka Edirne oo xuduud la leh Griiga iyo Bulgaria.
Kumanaan qaxootiga ah oo ku qulqulaya Pazarkule Ayaa waxaa ka mid ah Muwaadinin Soomaaliyeed oo ku sugnaa dalkan turkiga,waxaana ay doonayaan in ay ka gudbaan xadka ay turkiga la leeyahay Gariigga,balse weli si rasmi ah looma hayo tirikoob cadeynaya tirada dadka muhaajiriinta ah.
Arintaan ayaa bilaabatay maalinimadii Jimcaha 28Feb2020 Ka dib markii saraakiisha Turkiga ay sheegeen inaysan mar dambe isku deyi doonaan inay joojiyaan qaxootiga doonaya in ay gaaraan Yurub oo qaxootiga ku ahaa dalka turkiga.
Dowldda Turkiga ayaa sheegtay in ay magangalyo siisay ku dhawaad 3.7 milyen qaxooti Suuriyaan ah,Sababta keenaty in ay dowlada turkiga ku dhawaaqdo in ay xaduudkeda furto ayaa daba joogtay weerar ay ciidamada taliska Siiriya ku qaadeen ciidamada Turkiga ee aaga Idlib, kaas oo ay ku dhinteen 34 askari.
Xukuumadda (Ankara) waxay dhowr jeer cabasho ka muujisay in Yurub ay ku guul darreysatay inay dhawrto balanqaadyadeeda sida ku xusan heshiiskii 2016-kii ee EU-Turkey ee qaxootiga si looga caawiyo qaxoootiga.
W/Q Ifraax Cabdullaahi (Turkey)
