Muqdisho-(SONNA)-Taliyaha Ciidanka Xoogga Dalka Soomaaliya General Odowaa Yuusuf Raage ayaa Xafiiskiisa kulan kula qaatay Safiirka Dowlada Qatar u jooga Soomaaliya Danjire Xasan Xamza Assad. Labada mas’uul ayaa ka wadda hadlay xoojinta iyo dardargelinta taageerada ciidanka xoogga dalka Soomaaliya.
Kulanka ayaa diiradda lagu saaray xoojinta iyo tayeynta ciidanka xoogga dalka Soomaaliya. Taliye Odowaa ayaa safiirrka la wadaagay dadaalka ay dowladda Soomaaliya ugu jirto in la dhiso awood ciidan oo tayo leh si buuxdana ula wareega sugida amniga guud ee dalka Soomaaliya.
