๐ก๐ฎ๐ถ๐ฟ๐ผ๐ฏ๐ถ(SONNA):-Kalfadhiga 3-aad ee Guddiga Fulinta ee Hayโadda Qaramada Midoobay (UN-Habitat) ayaa si rasmi ah uga furmay magaalada Nairobi ee dalka Kenta, iyadoo ay ka qeyb galayaan dalalka xubnaha ka ah hayโadda.
Dowladda Federaalka Soomaaliya, oo dhawaan loo doortay La-guddoomiye ka mid ah Guddiga Fulinta, ayaa waxa kulankan ku matalaya Wasaaradda Hawlaha Guud, Dib-u-dhiska & Guriyeynta XFS.
Wafdiga Soomaaliya ayaa waxa hoggaaminaya Danjire Jibriil Ibraahim Cabdulle, Safiirka Soomaaliya ee Kenya iyo Dr. Cabdiraxmaan Xamuud Axmed Aleel, oo ahย Lataliyaha Sare iyo Madaxa Mashaariicda ee Wasaaradda Hawlaha Guud, Dib-u-dhiska & Guriyeynta
Soomaaliya, oo xubin rasmi ah ka ah Guddiga Fulinta, ayaa kaalin firfircoon ka qaadan doonta doodaha iyo falanqaynta socon doonta labada maalmood ee soo socda. Kulamadan ayaa dalalka xubnaha ahi dib u eegis ku sameyn doonaan Horumarka UN-Habitat , Qorshaha Istaraatiijiga ah ee 2026โ2029 Goโaannadii Golaha Guud ee Qaramada Midoobay Iyo Diyaar-garowga Shirweynaha WUF13 oo lagu qaban doono bartamaha sanadka dambe, dalka Azerbaijan.
