Muqdisho-(SONNA)-Wasiirka Wasaaradda Isgaarsiinta iyo Teknolojiyadda, Mudane Maxamed Aadan Macallim (Soomaali), iyo Barnaamijka Horumarinta Qaramada Midoobay (UNDP), ayaa maanta si rasmi ah u kala saxiixday Is-afgarad (MoU) lagu xoojinayo isbeddelka dijitaalka ah ee Soomaaliya.
Munaasabadda oo lagu qabtay xarunta Wasaaradda, waxaa ka qeyb galay masโuuliyiin ka socday UNDP, oo uu horkacayay Mr. Lionel Laurens โ Wakiilka Joogtada ah ee UNDP ee Soomaaliya, Agaasimaha Guud ee Wasaaradda, iyo Agaasimeyaasha Waaxyaha Wasaaradda.
Wakiilka UNDP ee Soomaaliya ayaa muujiyay sida ay uga goโan tahay hayโaddoodu inay xoojiso taageerada ay siiso Dowladda Federaalka Soomaaliya, gaar ahaan Wasaaradda Isgaarsiinta, oo uu ku tilmaamay hayโad hormuud u ah isbeddelka dhijitaalka ah ee dalka.
Wasiir Maxamed Aadan Macallim (Soomaali) ayaa dhankiisa sheegay in heshiiskani yahay mid muhiim ah oo xoojinaya iskaashiga labada dhinac, ayna ka tarjumayso aragtida wadajirka ah ee Soomaaliya horumarsan oo dijitaal ah.
Wasiirku waxa uu uga mahadceliyay UNDP iyo Xafiiska Isu-duwaha Qaramada Midoobay dadaalkooda joogtada ah ee ku wajahan horumarinta dowladnimada casriga ah.
