Mareykanka oo ku baaqay in dib loogu laabto wadahadaladii Niyuklerka ee lala galay Iiraan

Af-hayeenka Waaxda Arrimaha Dibedda Ned Price ayaa warbaahinta u sheegay Khamiistii in Washington ay diyaar u tahay inay sii waddo wada-hadallada isla marka Tehran ay oggolaato inay dib uga qayb-gasho wadaxaajoodkaasi.

Afhayeenka ayaa sheegay in dib u bilaabista wadahadalada ay ku xiran tahay Iiraaniyiinta,isla markaana ay weli u furan yahay. waddada diblomaasiyadda.

Waxaan si cad u sheegnay inaan diyaar u nahay, oo aan awoodno inaan ku laabanno Vienna sida ugu dhaqsiyaha badan marka aan helno dal aaan la xaajoonno,” ayuu yiri Price.

Wadahadalada ayaa galay hakad tan iyo bishii June, waxyar kadib markii la doortay madaxweynaha muxaafidka Iran Ebrahim Raisi.

2015-kii ayeey aheyd markii Iiraan ay ogolaatay in ay joojineyso hubka niyukleka,haddii laga qaadayo cunaqabateynta caalamiga ah ee saran.