Muqdisho:(SONNA)-Madaxweynaha Galmudug Mudane Axmed Cabdi kaariye qoor qoor oo xalay soo xeray shirka wadatashiga madaxda maamul goboleedyada dalka oo maalmahana ka socday magaalada dhuusamareeb ee xarunta maamulka galmudug ayaa uga mahadceliyay dhamaan bulshada dhusamaraeb iyo deegaanada kale ee galmudug soo dhaweyta iyo sida ay uga hiilan yihiin in wax walbo oo jira lagu dhameeyo wadahal iyo wadatashi.
“Waxaan guud ahaan bulshada galmudug ugu diyaarsanyihiin hanaanka dowladnimada iyo sida ay usoo dhaweeyeen madaxda dowlad goboleedyada iyo wafuuda balaaran ee maalmahaan ku suganaa magaalada dhuusamareeb si loo xjiiyo midnimada ummadda sido kale waxaab u mahadcelinayaa madaxa dowlad goboleedyada oo soo ajiibay inaan halkaan ugu yeero inagoo ka shaqeyneyno danaha dalka iyo dadka Soomaaliyeed..Ayuu yiri madaxweyne (Qoor-Qoor).
Madaxweynaha Galmudug Axmed Cabdi kaariye qoor qoor ayaa sidoo kale sheegay in dhawaan uu furmi doono wajigii labad ee shirka wadatashiga oo ay ku soo biiri doonaan madaxda qaran si dalka loo gaarsiyo hormar iyo in dalka ay ka dhacdo doorsha dan u ah shacabka soomaaliyeed.
Sidoo kale ,madaxweyne qoor Qoor waxa uu ku dhiiri galiyay inay guud ahaan bulshada reer galmudug u-diyaar garoobaan soo dhaweynta madaxada qaranka si ay u muujiyaan doorka ay galmudug ku leedahay dib udhiska dalka.
11 bishaan ayuu shirka wadatashiga madaxada dowlad goboleedyada ka furmay magaalada dhuusamareeb ee xarunta galmudug waxaana inta badan diirada lagu saaray wadashaqeynta dowladda dhexe iyo dowlad goboleedyada dalka iyo arrimaha doorashooyinka 2020/2021.
