Muqdisho (SONNA): Guddoomiyaha hay’adda maareynta musiibooyinka mudane Maxamuud Macallin Cabdulle ayaa qaar ka mid ah shaqaalaha hay’adda kula dardaarmay in ay si wax-ku-ool ah kaga faa’iideystaan tababar lagu qaadanayo koorsooyin la xariira xirfadaha gargaarka deg-degga ah.
U jeedka tababarkaan ayaa ah in dhammaan hawl-wadeennada hay’addu awood u yeeshaan ka shaqeynta howlaha gargaarka degdegga ah xilliyada musiibooyinku dhacaan, isla-markaana ay waqti kasta aqoon ahaan diyaar u ahaadaan Jawaabaha caafimaad ee lama huraanka ah.
Howl-wadeennadaan ayaa noqonaya dufcaddii 3-aad ee ka faa’iideysta fursaddaan wax-barasho ee muhiimka ah.
