Beijing (SONNA): Safiirka Jamhuuriyadda Federaalka Soomaaliya ee Shiinaha, Marwo Hodan Osman Abdi, ayaa si rasmi ah uga qayb qaadatay shir caalami ah oo lagu qabtay magaalada Beijing, kuna saabsanaa xoojinta doorka Qaramada Midoobay (UN) iyo horumarinta nidaamka multilateralism-ka (wadajir-dhawrka caalamiga ah). Shirkan oo ay soo qabanqaabisay Wasaaradda Arrimaha Dibedda ee Shiinaha ayaa waxaa ka qaybgalay madax sare oo ka socday waddamada xubnaha ka ah UN-ka, khubaro caalami ah, iyo masโuuliyiin ka kala yimid hayโadaha muhiimka ah ee caalamka.
Shirka waxaa si rasmi ah u furay masโuuliyiin uu ka mid yahay Wazir Ku-xigeenka Wasaaradda Arrimaha Dibedda Shiinaha Mudane Miao Deyu, iyadoo sidoo kale madasha ay ka hadleen Ku-xigeenka Xoghayaha Guud ee Qaramada Midoobay, Guy Ryder, iyo diblomaasiyiin badan oo metelayay dowlado iyo hayโado kala duwan.
Safiir Hodan Osman Abdi ayaa ka mid ahayd diblomaasiyiinta madasha ka jeediyay hadallo muhiim ah.
Waxaa ay si cad u muujisay in dowladda Soomaaliya ay si buuxda u taageersan tahay doorka Qaramada Midoobay iyo horumarinta wadajirka caalamiga, iyadoo ay Soomaaliya aragto in xoojinta nidaamka UN-ku uu fure u yahay nabad waarta iyo horumar loo dhan yahay, waxayna si gaar ah diiradda u saartay:
1. Baahida loo qabo iskaashi dhab ah oo lagu wajaho caqabadaha caalamiga โ iyadoo ku boorrisay in xal waara lagu gaari karo keliya marka laga wada shaqeeyo si hufan oo kalsooni ku dhisan.
2. Doorka UN-ka ee horumarinta nabadda iyo xasilloonida โ iyadoo xustay in Qaramada Midoobay ay tahay hayโad muhiim u ah dheelitirka danaha caalamka.
3. Aragtida Soomaaliya โ iyadoo caddeysay sida ay Soomaaliya uga goโan tahay taageeridda nidaamka Qaramada Midoobay iyo doorkeeda diblomaasiyadeed ee lagu xoojinayo xiriirka dalalka caalamka.
โWaxaan rumeysanahay in iskaashi waxtar leh oo ku saleysan qiyamka ay UN-ku taagan tahay uu yahay furaha xal u helidda caqabadaha dunida ka taagan,โ ayey tiri Safiir Hodan Osman Abdi, iyadoo ka hadleysay doorka muhiimka ah ee ay Soomaaliya diyaar u tahay inay ka qaadato isbeddelka caalamiga.
Shirkan ayaa loo arkay mid muhiim u ah dadaallada ay Shiinuhu ku xoojinayso doorka Qaramada Midoobay, gaar ahaan xilligan ay dunidu wajahayo isbeddello siyaasadeed, khilaafaad hubeysan, iyo caqabado hor leh oo xagga ammaanka, horumarka, iyo isbedelka cimilada ah.
