Jabuuti (SONNA): Wasiirka Wasaaradda Gaashaandhigga XFS, Mudane Axmed Macallin Fiqi, oo booqasho shaqo ku jooga magaalada Jabuuti, ayaa maanta la kulmay Madaxweynaha Jamhuuriyadda Jabuuti, Mudane Ismaaciil Cumar Geelle.
Kulanka ayaa looga wada hadlay xoojinta xiriirka walaaltinimo iyo iskaashiga laba geesoodka ah ee u dhexeeya Soomaaliya iyo Jabuuti, iyadoo si gaar ah looga hadlay arrimaha difaaca, amniga gobolka, iyo iskaashiga dhow ee ka dhanka ah kooxaha argagixisada ee khatarta ku haya gobolka.
Wasiir Fiqi ayaa uga mahadceliyay Madaxweyne Geelle doorka hoggaamineed iyo garab istaagga joogtada ah ee dowladda walaalaha ah ee Jabuuti la garab taagan tahay Soomaaliya, isaga oo si gaar ah u bogaadiyay kaalinta muuqata ee ciidamada โHiil Walaalโ ay kaga jiraan howlgalka AUSSOM iyo dadaallada nabadeynta iyo xasillinta dalka.
