Muqdisho(SONNA):-Kooxda naxariista daran ee khawaariijta Al-shabaab ayaa wajahaya cabsidii ugu darnad ka dib markii jab xooggan ay kala kulmeen howlgallada ka dhanka ah, taas oo sababtay in kala shaki weyn uu soo kala dhex galay Horjoogayaasha Sar sare ee Maleeshiyada khawaarijta.
Horjoogayaasha ugu sareyso khawaarijta ayaa lagu soo roggay xanibaad iyo in aysan isaga gudbi karin degaannada ay ku dhuumaaleysanayaan taas oo kaga timid Horjoogaha dhagarta badan ee Mahad kartaay oo doonayo in uu ballaariyo awoodiisa si uu ula wareego xukunka iyadoo xaalad adag ku sugan yahay Horjooge Axmed Diiriye.
Horjoogayaasha la go’doomiyay waxa kamid ahaa horjoogaha sameynta badan ku dhex leh kooxda khawaarijta Xasan Afrax oo kamid ahaa waxa ay ugu yeeraan Golaha Shuurada waxanaย lagu eedeeyay in uu sabab u ahaa jabka kooxda ka soo gaaray gobolada Mudug iyo Galgaduud, horjoogahana oo ka soo jeeda degmada Cadaado ayaa hada dhaafi karin Jilib iyo Koonya Baroow oo ka kala tirsan gobolada jubbada dhexe iyo Shabeellaha Hoose,waxa uuna qeyb ku lahaa diyaarinta iyo tababar siinta dhalinyaro badan oo lagu qalday kamid noqoshadaย kooxda khawaarijta.
Horjeege Daahir Gacameey oo kooxda dhexdeeda looga yaqiin (Cabdi Xaafid)oo xilal kala duwan u soo qabtay khawaarijta oo ugu horreeyo waxa ay ugu yeraan Madaxii garsoorka iyo waaligii walaayaadka kooxda markii ay ka arrimineeysay gobolada koonfurta Bartamaha dalka.
Horjooge Daahir Gacameey oo ka soo jeeda degaanka Ceelgaras ee gobolka Galgaduud ayaa dhowr mar ku sime u noqday hoggaamiyihii ugu sareeyay kooxda oo la khaarajiyeyย Axmed Cabdi (Godane) waxa uuna galay dambiyo badan oo uu khawaarijtu u xalaaleeyay dhiigga dad badan oo shacab ah,waxana isagu hadda uu xabsi guri ku yahay degmada Jilib xarunta Jubbada dhexe isagoo loo diiday in waxa dhaq dhaqaa ah usan sameeyn karin xiligaan.
Sidoo kale horjoogayaasha Sar sare ee Sameeynta ku lahaa khawaarijta ee la Godoomiyay loona diiday dhaq dhaqaaqย waxaa kamid ah Maxamed Aalla Suldaan oo Mar ahaa horjoogihii khawaarijta ee Gobolka Shabeellaha hoose waxana kala
Shakiga kooxda soo kala dhaxgalay Aawgeed laga dhiggay mid howlgab ah oo aan loo ogoleyn waxa dhaq dhaqaaq ah.
Horjooge Maxamed Aalla Suldaan oo ka soo jeedo Magaalada Burco ee gobolka togdheer ayaa kamid ahaa ragii aadka ugu dhawaa horjooge Axmed Cabdi Godane,waxa una door kulahaa in maleeshiyaad badan oo kayimid gobolka waqooyi Galbeed ay ku biiraan khawaarijta Alshabaab,balsa hadda waa howlgab aan meelna u dhaqaaqi karin isaga oo aad looga shakisan yahay.
Horjoogayaasha howlgabka laga dhigay marka laga soo tago kuwa Sar sare waxaa ku jira kuwa dhexe oo iyaguna aad daacad ugu ahaa kooxda khawaarijta waxana kamid ahaa Muxidiin Daqare oo ahaa dalaal khawaarijta, kana soo jeedo koonfurta gobolka Mudug hadana ah howlgab ku sugan gobolka jubbada dhexe.
Horjooge Ibraahim khawaarijtuna u taqaan sheekh Ibraahim kana soo jeedo Bariga Magaalada Beledweyne ee gobolka Hiiraan waxaa howlgab isna looga dhigay fashilkii khawaarijta kala kulantay gobolka Hiiraan.
Horjooge Guure oo isna ka soo jeedo Gurceel gobolka Galgaduudย oo khawaarijta u qaabilsanaa gobollada Banaadir iyo Shabeelleha hoose dhaqaala Aruurintooda ayaa hadda howlgab ku ah Shabeellaha Hoose
tillaabadaanย howlgabka iyo go’doonka looga dhiggay horjoogayaasha khawaarijta ayaa imaanayo kadib markii khawaarijtu ku jabtay howlgallada guud ee dalka looga saarayo khawaarijta iyo kala shaki xooggan oo soo kala dhaxgalay horjoogayaasha ugu Sareysa khawaarijta.
Xayiraadani lagu soo roggay Horjoogayaasha daacadda u ahaa Maleeshiyada khawaarijta ayaa sameeysay noloshooda gaarka ah, iyagoo aan kulmi karin,safri karin oo aan xitaa isticmaali karin taleefanadooda gacanta,tan ugu daran ayaa ah in xitaa aysan xaasaskooda la kulmi karin oo aysan tagi karin goobaha ay joogaan iyagoo badankood horjoogayaashasi leh Afar xaas,waxa ayna tani muujineysa bur-burka khawaarijta iyo In ay ku jabeen howlgallada ka dhanka ah khawaarijta ee ka socda guud ahaan gobolada dalka.
