Muqdisho-(SONNA)- Xafiiska Hantidhowraha guud ee Qaranka ayaa maanta soo saaray warbixin ku saabsan u hoggaansanaanta sharciga, taas oo quseysa hayโadaha gacanta ku haya hantida dowladdu leedahay ama kuwa bixiya adeegyada caamka ah.
Hanti dhowraha guud ee Qaranka Avv; Axmed Ciise Guutaale oo saxaafadda la hadlay ayaa sheegay in xafiiskiisu uu diiwaan gelinayo dhammaan heshiisyada ay ย hayโadaha dowladdu darafka ka yihiin, wuxuuna xusay in ciddii ka hor timaadda ay jebisay sharciga maaraynta miisaaniyadda iyo kan Hanti dhowraka guud.
Avv; Guutaale ayaa sheegay hayโadaha aan dowliga ahayn ee fuliya mashaariicda horumarineed iyo mid biniโaaddan-nimo ee laga maal geliya lacagta dowladda ย ayna ku jirto tan deeq bixiyayaasha lagula xisaabtamayo sarkaalka idman ee hayโaddaas.
Hanti dhowraha guud ayaa sheegay in heshiisyada deeqaha hayโadaha, kuwaย dowladda , dowlad goboleedyada iyo kuwa ganacsigaba laga diiwaan geliyo xafiiska Hanti dhowrka guud ee Qaranka iyo laamahiisa maamul goboleedyada.
Avv; Axmed Ciise Guutaale ayaa sheegay in dhulal iyo dhismayaal gaaraya 436 xarumood oo ay leeyihiin 15 hayโado dowladeed ah ay ku maqan yihiin gacanta shirkado, ganacsato, ururro iyo shaqsiyaad gaar ah.
Hanti dhowraha guud ee Qaranka ayaa faray hayโadaha dowladda oo gaaraya 69, kuwaas oo ku jira qoondada miisaaniyadda dowladda ee uu ansixiyay BF in ay u hoggaansamaan sharciga, si looga baaqsado halis ku timaadda daqliga dowladda.
