Khaartuum(SONNA) Safiirka Soomaaliya u fadhiya Dalka Suudaan mudane Maxamed Sheekh Isxaaq ayaa kulan kula qaatay magaalada Khaartuum ee xarunta Dalka Suudaan wasiirka Warfaafinta Dhaqanka iyo Dalxiiska dalkaasi Suudaan mudane Faysal Maxamed Saalax.
Amb Maxamed Sheekh Isxaaq oo Wakaladda Wararka(SONNA) u waramay ayaa sheegay in isaga iyo wasiirka Warfaafinta Dhaqanka iyo Dalxiiska Suudaan ay ka wada hadleen arrimo muhiim u ah xoojinta xiriirka walaaltinimo,iyo kan wax wada qabsi ee ka dhexeeya labada dal,sida dhaqanka,Dalxiiska,Warbaahinta iyo wacyigelinta guud.
โRuntii wasiirka waxaan ka wada hadalnay arrimo badan,waxaana kamid ah adkeynta xiriirka labada dal,in ay gacan weyn ka geysan doonaan tababaro quseeya,Warbaahinteena,wadaaga arrimaha dalxiiska,Dhaqanka,Horumarinta Keyda Radio Muqdisho,isdhexgal bulshada labada dal,sida in wasiirka warfaafinta Dahqanka iyo dalxiiska Soomaaliya uu yimaado Suudaan,kan Suudaan uu Soomaaliya booqdo,in ay ka qeybgalaan furitaanka Tiyaatarka Qaranka Soomaaliyeed oo dib loo dhisay,isdhaafsiga wacyigalin guud arrimahaasi iyo kuwo kale oo badan ayaan isla garanayโ.ayuu yiri danjiraha Soomaaliya ee Suudaan Maxamed Sheekh Isxaaq.
Sidoo kale Amb Maxamed Sheekh Isxaaq ayaa Wakaaladda SONNA u sheegay in ay isku afgarteen sidii loo soo nooleyn lahaa xiriiro badan oo taariikhi ahaa kuwaasi oo ka dhexeeyay Soomaaliya iyo Suudaan,iyadoo loo marayo siyaasadda arrimaha Dibadda ee madaxweynaha JFS iyo raโiisul wasaaraha Soomaaliya,waxaana dalkaasi Suudaan tagaya oo lagu casuumayaa fanaaniinta Qaranka ee Hobalada Waaberi,si loo muujiyo is dhexgal dhinaca dhaqanka labada dal.
โbisha Oct, ee soo socota waxaa dalkan Suudaan lagu qabanaya bandhiga Carwada Buugaagta(buugfair) waxaa lagu casuumayaa aqoonyahanada Soomaaliyeed,si ay halkaasi ugu soo bandhigaan aragtidooda ayna u muujiyaan dowrkoodi,taasina waa qeyb kamid ah fursadaha lagu heli karo is dhexgal bulsho oo labada dhan ahโ. Ayuu yiri Danjire Maxamed Sheekh Isxaaq.
Dalka Suudaan ayaa kamid ah wadamada xiriirka wanaagsna la leh Soomaaliya,sidoo kale waxaa jira xiriir soo jireen ahaa oo dhankasta leh oo ka dhexeeya labada dal,iyadoo Suudaan ay si weyn u soo dhaweyso ardayda Soomaaliyeed oo deeqo waxbarasho ah ay siiso sanadkasta.
