Jowhar-(SONNA)-Howlgal ay wadajir u fulinayaan Ciidammada Xoogga Dalka Soomaaliyeed, Sirdoonka Qaranka NISA iyo saaxiibbada Caalamiga ah ayaa ka socda nawaaxiga deegaanka Xawaadleey ee gobolka Shabeellada dhexe.
Howlgalkan ayaa si gaar ah uga socda Beerta Sheekh Qaasim gaar ahaan Tuulada Dhagaxoow ee hoos tagta deegaanka Xawaadleey ee gobolka Shabeellada dhexe.
Inta la xaqiijiyay howlgalkan ayaa lagu dilay in ka badan 25 Malleeshiyaad ah oo ka tirsan kooxda Khawaarijta ah ee Al-Shabaab, iyadoo sidoo kalena lagu soo furtay hub iyo gaadiid dagaal.
Howlgalkan oo ah mid xooggan ayaa weli ka socda deegaanka Xawaadleey iyo nawaaxigiisa sida ay warbaahinta Qaranka u sheegeen saraakiisha hoggaamineysa.
