Muqdisho(SONNA);-Ciidamada Nabad Sugidda iyo Daraawiishta Koonfur Galbeed ayaa fashiliyey weerar naf la caari ah oo maleeshiyaad ka tirsan Khawaarijta ay maanta ku soo qaadeen fariisin ciidan oo ku yaalla duleedka degmada Buurhakaba ee gobolka Bay .
Saraakiisha hoggaamineysa howlgalka ayaa Warbaahinta Qaranka u sheegay in jab culus ay Khawaarijta ku gaarsiiyeen dagaal kooban oo dhacay duleedka Buurhakaba, iyagoo soo bandhigay meydadka xubno Khawaarij ah oo goobta ay uga carareen.
Ciidamada ayaa sii baacsanaya firxadkii Khawaarijta, kuwaas oo goobta uga cararay meydadka dhagarqabayaal badan.
