Muqdisho(SONNA);-Guddoomiyaha Gobolka Banaadir, Dr. Xasan Maxamed Xuseen (Muungaab), ayaa guddoomiyay shirka toddobaadlaha ee Maamulka Gobolka Banaadir iyo degmooyinka caasimadda.
Shirka ayaa diiradda lagu saaray dardargelinta bilicda iyo nadaafadda magaalada, xoojinta amniga, iyo u-diyaargarowga Doorashada Golaha Deegaanka ee soo socota. Guddoomiye Muungaab ayaa ku boorriyay degmooyinka, shacabka, iyo hay’adaha amniga in ay si wadajir ah uga shaqeeyaan sugidda nabadgelyada iyo ka-hortagga kooxaha amni-darrada.
Waxaa kale oo shirka lagu falanqeeyay kor u qaadista hufnaanta maaliyadeed, iyadoo lagu dhaqmaya siyaasadda “Maaliyad Mujtamaca Marqaati ka yahay”.
Kulanka waxaa ka qaybgalay guddoomiye ku-xigeennada gobolka, Xoghayaha Guud, agaasimayaal iyo guddoomiyayaasha degmooyinka caasimadda.
