Muqdisho(SONNA);-Wasiirka Caafimaadka iyo Daryeelka Bulshada Xukuumadda Federaalka Soomaaliya, ayaa xilka u kala wareejiyay Agaasimaha cusub ee Isbitaalka Hooyada iyo Dhallaanka Banaadir, Dr. Cabdirisaaq Shariif Cali, iyo agaasimihii hore, Dr. Fartuun Shariif Maxamed.
Agaasimaha cusub ee Isbitaalka Banaadir, Dr. Cabdirisaaq Shariif Cali, oo ka hadlay munaasabadda xilwareejinta ayaa yiri:
โWaxaan ballan qaadayaa in aan labo jibbaari doono shaqooyinka Isbitaalka Banaadir, annagoo si gaar ah u daryeeli doona hooyada iyo dhallaanka.โ
Dhankeeda, agaasimihii hore ee Isbitaalka, Dr. Fartuun Shariif Maxamed, ayaa sheegtay in muddadii ay xilka haysay wax badan ka qabatay hormarinta adeegyada kala duwan ee isbitaalka Banaadir.
โMuddo 7 sano ah oo aan hayay xilka Agaasimaha Isbitaalka Banaadir, waxaan qabanay wax badan oo muuqda, waxaana adeeg caafimaad u fidinay bukaano badan oo ka kala yimid qeybo badan oo dalka ka mid ah.โ
Wasiirka Caafimaadka XFS, Dr. Cali Xaaji, ayaa isna ku ammaanay Dr. Fartuun shaqadii wanaagsaneyd ee ay ka qabatay Isbitaalka Banaadir. Sidoo kale wuxuu agaasimaha cusub kula dardaarmay inuu sii labo-jibaariyo dadaalka lagu horumarinayo adeegyada caafimaad ee isbitaalku bixiyo.
โAgaasime Fartuun Shariif waxaan ku amaanayaa shaqadii wanaagsaneed ee ay ka qabatay Isbitaalka Banaadir oo maalin kasta adeega boqolaal bukaan.โayuu yiri wasiir Cali xaji
Munaasabadda oo ka dhacday xarunta Isbitaalka Banaadir waxaa ka qeyb galay Agaasimaha Guud ee Wasaaradda Caafimaadka, takhaatiir iyo shaqaalaha isbitaalka, kuwaas oo dhammaantood ammaanay shaqada muuqata eeย agaasimihii hore ay ka qabtay Isbitaalka Hooyada iyo Dhallaanka Banaadir.
