Muqdisho (SONNA): Guddoomiyaha golaha shacabka ee Baarlamaanka Jamhuuriyadda Federaalka Soomaaliya mudane Sheekh Aadan Maxamed Nuur (Madoobe) iyo Guddoomiyaha golaha aqalka sare mudane Cabdi Xaashi Cabdullaahi ayaa ka qeyb galay kulan banbax ah oo guddiga lasocodka iyo dib u eegista Dastuurka ee Baarlamaanka labadiisa aqal iyo Guddiga madaxa-banaan ee dib u eegista iyo hirgelinta Dastuurka uga furmay magaaladda Muqdisho, sidoo kale kulanka waxaa ka qeyb galay Guddoomiyeย ku xigeenka 2-aad ee golaha shacabka mudane Cabdullaahi Cumar Abshirow, guddoomiye ku xigeenka 2-aad ee golaha aqalka sare mudane Cabdullaahi Xirsi Timacadde, guddoonka labada guddi, habdhowrka iyo sidoo kale xoghayaasha guud ee labada aqal.
Kulanka oo socon doona mudo laba maalmood ah, waxa uu qayb ka yahay dardargelinta dib u eegista iyo dhammaystirka Dastuurka dalka, si Baarlamaanka Jamhuuriyadda Federaalka Soomaaliya loogu gudbiyo cutubyada harsan, islamarkaana uu uga guto waajibaadkiisa Dastuuriga.
