Magaalada Xamar waxaa ka socota kala miir dhab ah, kadib markii uu dhacay ‘Isku Milaniya’, iyadodoo hey’adaha amniguna shaqo muuqata ka hayaan sidii loo kala miiri lahaa arrintaasi ayay qab qabteen shaqsiyaad ku jiray Hey’adaha dowladda, kuwaasi oo haddana u shaqeynayay kooxda Khawaarjta ah ee Al-shabaab.
“Shiid iyo shaqo la’aan ayaa loo galaa Khawaarijta ayaan maqli jiree been dheh. Qof kasta ha aaminin ahaa xataa saaxiibkaa ama Walaalkaa”, sidaasi waxaa yiri Wiil Dhallinyaro ah oo ku nool magaalada Muqdisho, waxaase ka sii yaab badan in kooxdii dishay Walaashiis, islamarkaana lagu bedelay goobtii shaqo ee Walaashiis oo shaqaale ka aheyd Wasaaradda Maaliyadda.
Intii aan arkaayay ama maqlaayay Garmaqallo ay qaadeysay Maxkamadaha dalka Soomaaliya waxaa igula yaab badnaa labadaan:- 1. Ninka sawirka barta guduudan ku calaamadeeysan waxaa lagu magacaabaa Xuseen Cabdinuur Maxamed Cali (COMPUTER) waxa uu ku Eedeysan yahay Argagixisanimo, isla markaana hore uga tirsanaa shaqaalaha dowladda, isagoo qaadan jiray mushahar ka badan kun dollar. 1.100 dollar ayaa lagu shaqeynayey oo uu mushaarkiisu ahaa, balse 100 dollar ayuu dadka ku halagaa, waa Ilaahey mahadiis haddiiba Ummadda Soomaaliyeed laga qabtay shartiisa, Ilaah ayaana so ifiyay.
Eedeysanaha waxaa lagu tuhunsan yahay inuu qeyb ka ahaa abaabulkii weerarkii ugu dambeeyay ee Liido, Iskool Boloosiyo iyo dilal kale oo ay dad badan ku dhinteen, waxaan Sawirkiisa lagu dhex arkay kulankii Qur’aan akhris iyo isu soo bax loogu duceynayay marxuumiinta ku geeriyooday Qaraxyadii ka dhacay Xeebta Liido, kadib wareerarka isaga oo isku dayay inuu is qarsho, balse dhawaan ayuu ka soo muuqday maxkamad ciidamada qalabka sida, taas oo muujinaysa in baaritaanno adag lagu hayo, (ARYAA TANOO KALE ARAKAY).
2. Dhacda kale oo yaab leh, haddana qabsoo Odaygan waayeelka ah waxaa la yiraahdaa Maxamuud Khaatumo, ama Abu Hani oo ah Afgarashadiisa ay ula baxeen Khawaarjta Al-shabaab, waa mid ka mid ah Ragga ugu xeeladda iyo khiyaanada badan khawaarijta, wuxuuna u qaabilsanaa sahanka iyo Sirdoonka, isagoo ka qeyb qaatay weerarro badan oo ay Argagixisadu ka fuliyeen caasimadda dalka ee Muqdisho, isaga oo qaabilsanaa sahanka. Sida ku cad wareysigiisa, wuxuu sheegay inuu mushahar ahaan u qaadan jiray 400 dollar bishiiba, waana khawaarijkii ugu horreeyay ee lacag intaas la eg ay Khawaarijtu siiyo, intii hore loo maqlay.
Odeygaan dhagarta badan, wuxuu isku difaacayaa inuu ahaa Oday dhaqameed magaalada Laascaanood ka soo jeeda, isla markaana uu ‘ka qayb qaatay dhismaha maamulka Laascaanood’ , weligiina aanu khawaarij noqon’,waa sida uu isagu isku difaacayee, hase yeeshee, waxaa la hor keenay caddeymo isugu jira maqal iyo muuqaal ah oo muujinaya inuu ka tirsanaa khawaarijta.
Ninkaan odaygaa oo garka cirada ka buuxdo oo ad aragtaan waa dhowr iyo 70 jir, waxaa lagu soo caddeeyay muqaal (video), isagoo leh “Maxaa Dadka u leyn waydeen? waa maxay culeyska idin saaran?; maxaa dhacay miyaad caajisteen?”, naxariis daranaa.
Dhinaca kale Kadib markii dib loo bilaabay Taagashada gacan ku dhiiglayaasha ka tirsan Khawaatrijta Shabaabka, waxaa dil toogasho ah lagu fuliyay ilaa iyo 10 dhagarqabayaal, waxaana ugu dambeeyay Anas C/qaadir Cali Maxamuud “Salmaan” iyo Aadan Mursal Maxamed Iidoow oo ka tirsanaa Khawaarijta, gaar ahaan qeybta Qaraxyada iyo Dilalka gaadmada ah, ayaa maanta lagu fuliyey xukunkii dilka ahaa ee horey ay ugu riday Maxkamadda Ciidamada, waxayna magaaladda Gaalkacyo ku dileen Haldooro ahaa labeenta Bulshadda oo ay ka mid yihiin Nabadoonno.
Xukun dil ah ayaa lagu fuliyey Anas Cabdulqaadir Cali Maxamuud “Salmaan” iyo Aadan Mursal Maxamed Iidoow, kuwaas oo ka tirsanaa Khawaarijta, gaar ahaan qeybta qaraxyada iyo dilalka gaadmada ah.
Xubnahaan khawaarijta ka tirsana ayaa horey loogu soo qabtay falal amni-darro oo ay ka geysteen gudaha Soomaaliya, waxaana Maxkamadda Ciidamada Qalabka Sida ay ku heshay dambiyo culus oo ay ka mid yihiin: Dilal qorsheysan iyo qaraxyo lala beegsaday shacabka iyo masuuliyiinta. Falkii argagixiso ee ka dhacay magaalada Gaalkacyo (Puntland), halkaas oo ay ku dileen hal dooro bulshada ka tirsanaa, oo ay ku jireen nabadoono iyo odayaal dhaqameed caan ah, ka qayb qaadasho toos ah oo ay ku lahaayeen falalka gumaadka iyo cabburinta bulshada rayidka ah.
Maxkamadda Ciidamada ayaa markii hore dhageysatay dacwadda ka dhanka ah Ragaan la shaqeynayay khawaarijta, iyadoo caddeymo muuqda iyo markhaatiyaal lagu soo bandhigay, taas oo horseeday in lagu rido xukun dil toogasho ah,oo ugu dambeyn lagu fuliyay.
