Muqdisho (SONNA): Wasiirka Shaqada iyo arrimaha Bulshada ee Dowladda Federaalka Soomaaliya mudane Xildhibaan Yusuf Mohamed ayaa maanta xafiiskiisa ku qaabilay wafdi ka socday Hay’adda Caalamiga ah ee Socdaalka (IOM).
Kulanka ayaa diiradda lagu saaray dhisidda Nidaamka Macluumaadka Suuqa Shaqada (LMIS) iyo horumarinta siyaasadda socdaalka shaqaalaha, si loo xoojiyo fursadaha shaqo iyo maareynta dhaq-dhaqaaqa shaqaalaha Soomaaliyeed.
Wasiirka ayaa carabka ku dhuftay sida ay dowladdu uga go’an tahay abuurista fursado shaqo, gaar ahaan dhalinyarada, iyo horumarinta nidaam xog-ogaal ah oo lagu hago jiheynta suuqa shaqada.
Kulanka waxaa sidoo kale ka qeybgalay Agaasimaha Waaxda Shaqo Abuurka ee Wasaaradda mudane Sakariye Cabdi Xaashi.
