Muqdusho,(SONNA):- Wasiirka Wasaaradda Caafimaadka iyo Daryeelka Bulshada Xukuumadda Federaalka Soomaaliya H.E Dr. Ali Haji Adam ayaa maanta dhagax dhigey dhismaha qeybta Emergency-ga ee Isbitaalka Forlanini/Lansareti ee magaalada Muqdisho.
Munaasabadda dhagaxdhigga waxaa goobjoog ka ahaa Wasiiru dowlaha Wasaaradda Caafimaadka Dr. Maryama Maxamed Xuseen, Wasiiru dowlaha Wasaaradda Maaliyadda Raaxo Janaqow, agaasimaha guud ee Wasaaradda Caafimaadka Dr. Guuleed Cabdijaliil, madax ka socotey Hey’adaha UN-ka sida UNOPS, WHO iyo hey’ado kale oo ka shaqeeya arrimaha Caafimaadka.
Dhismaha qeybta gargaarka deg dega ah ee Isbitaalka Forlanini ayaa imanaya xilli Soomaaliya ay ku jirto soo kabasho dhanka adeegyada Caafimaadka iyo Daryeelka Bulshad oo ay Wasaaradda Caafimaadka u dhaba xaareysa dhameystirka Barnaamijka kordhinta adeegyada Caafimaadka iyo xarumahooda si bulshada u hesho adeeg baaxad leh.
Dhismaha qeybtan ayaa ah mid muhiim u ah kor u qaadida howlaha Isbitaalku u qabto Bulshada Soomaaliyeed iyo xal u hellidda kiisaska deg dega ah ee ka dhaca guud ahaan dalka, gaar ahaanna Magaalada Muqdisho iyo deegaanada ku xeeran oo ay ku nool yihiin Muwaadiniinta ugu badan ee ku nool hal Magaalo.
Wasiirka Wasaaradda Caafimaadka iyo Daryeelka Bulshada Xukuumadda Federaalka Soomaaliya Dr Cali Xaaji Aadan ayaa ugu dambeyn sheegey in ay muhiim tahay ka qeyb qaadashada horumarinta Caafimaadka dalkeena, sidoo kale xoojinta Mashaariicda wax tarkanu leh bulsho waynta Soomaaliyeed ee ay naga garabsiiyaan saaxiibada Caalamiga ah ee taageera Caafimaadka Soomaaliya.
