Kuwait city-(SONNA)-Guddoomiyaha hayโadda maareynta musiibooyinka Md. Maxamuud Macallin Cabdulle oo hoggaaminaya waftiga dowladda Soomaaliya ee dalka Kuwait kaga qeyb-galay meertada 6-aad ee shirka madal-goboleedka Carabta ee yareynta khataraha musiibooyinka (Arab Regional Platform for Disaster Risk Reduction) ayaa madasha ka jeediyay khudbadda iyo farriinta Soomaaliya ee shirka ku aaddan.
Guddoomiyaha ayaa khudbaddiisa ku faahfaahiyay xaaladaha yareynta khataraha musiibooyinka ee Soomaaliya iyo caqabadaha u baahan in wax laga qabto si loo xaqiijiyo tiirarka heshiiska Sendai Framework 2015-2030.
Guddoomiyaha ayaa sidoo kale la wadaagay ka qeyb-galayaasha waayo-aragnimada Soomaaliya ee la tacaalidda musiibooyinka iyo dadaallada socda ee lagu xoojinayo adkeysiga bulshada Soomaaliyeed.
Guddoomiye ku xigeenka Hayโadda SoDMA, Dr. Axmed Cabdi Aadan ayaa dhankiisa guddoomiyay shir doceed looga hadlay heerka ay dalalka Carabtu ka marayaan fulinta axdiga Sendai Framework for DRR 2015-2030.
Shirkan ayaa lagu soo bandhigay waxqabadka dalalka Carabta ee ku aaddan fulinta heshiiska iyo yaraynta khataraha masaaโibta.
Sidoo kale, Agaasimaha waaxda yaraynta khataraha musiibooyinka ee SoDMA, Khadar Sh. Maxamed ayaa ka qeyb galay doodo lagu falanqaynayay arrimaha khasaaraha iyo waxyeellada ay sababaan isbeddalka cimillada.
Madaxa Genderka ee hayโadda SoDMA, Xaliima Yuusuf Sheekh Xasan ayaa fadhi looga doodayay u adkaysiga aafooyinka ku soo bandhigtay warbixin ku saabsan sidii loo dhisi lahaa adkaysiga bulshada u nugul musiibooyinka sida dumarka, caruurta iyo dadka daโda ah.
