Muqdisho-(SONNA)-Waaxda Horumarinta Dhaqaalaha ee Wasaaradda Qorsheynta, Maalgashiga iyo Horumarinta Dhaqaalaha ayaa maanta magaalada Muqdisho ku qabatay kulan Wadatash ah oo ku saabsanaaย Shirweynaha Siyaasadda Dhaqaalaha ee qorsheysan sanadka soo socda. Kulankan uu si rasmi ah u furay Agaasimaha Guud ee Wasaaradda, Mudane Maxamed Shire, ayaa diiradda lagu saaray sidii loo qiimeyn lahaa siyaasadaha dhaqaalaha iyo sidii talooyin wax ku ool ah looga soo saari lahaa horumarinta dhaqaalaha Soomaaliya.
Shirka ayaa xoogga lagu saaray saddex qodob oo waaweyn. Ugu horreyn, waxaa si qoto dheer loo falanqeeyay tusmooyinka dhaqaalaha dalka, iyadoo la is dhaafsaday talooyin ku saleysan xaqiiqooyin iyo cilmi-baaris.
Sidoo kale, shirkan ayaa ahaa gogoldhig muhiim ah oo diyaarinaya shirweynaha Siyaasadda Dhaqaalaha ee qorsheysan sanadka soo socda, kaas oo diiradda lagu saari doono siyaasadaha dhaqaale ee dalka. Intaa waxaa dheer, waxaa lagu adkeeyay wada shaqeynta iyo isku xirnaanta hayโadaha dowladda, si loo xoojiyo waxtarka dhinacyada wax-soo-saarka iyo adeegyada muhiimka ah.
Shirka waxaa ka soo qaybgalay wakiillo ka socda hayโadaha dowladda, khubaro dhaqaalaha ku xeeldheer, iyo marti sharaf muhiim ah. Intii uu socday, waxaa la is dhaafsaday aragtiyo iyo talooyin waxtar leh oo horseed u noqon doona horumar joogto ah oo laga dareemo dhaqaalaha dalka.
Agaasimaha Guud, Mudane Maxamed Shire, ayaa uga mahadceliyay dhammaan ka qaybgalayaasha sida ay uga goโan tahay horumarinta dhaqaalaha Soomaaliya. Waxa uu si gaar ah u bogaadiyay Waaxda Horumarinta Dhaqaalaha ee Wasaaradda dadaalka ay gelisay qabanqaabada iyo hirgelinta shirkan.
