Marka-(SONNA)-Guutada 14-ka Octobar ee Ciidanka Xoogga dalka Soomaaliyeed ayaa howlgal qorsheysan maanta ka fulisay degaanno hoos taga tuulooyin Jannaale iyo Shalanbood ee gobolka Shabeellada hoose.
Howlgalka oo dhowr jiho ahaa ayay geesiyaasha Qaranka Cagta ku mariyeen Khawaarijtii ku dhuumaaleysaneysay degaannada kala ah Kaaytooy, Mushaani, Majabto, Doonka daafeedoow, Buula kamiirow, Buula jadiid, Shufeeri, Doon Dheere, Cadceed, Malable, Buula naaji, Buula aruundi iyo Beeraha baay, sida uu Xaqiijiyay Taliyaha guutada 14-ka October G/sare Nuur Fareey.
Ciidanka xoogga dalka ayaa dhammaan tuulooyinkii ay ka sifeeyeen haraadiga khawaarijta waxa ay ka sameeyeen baaritaanno lagu xaqiijinayo ammaanka.
