Kismaayo-(SONNA)-Ugu yaraan 32 ka tirsanaa khawaarijta ayaa lagu dilay 3 kalena nolosha ayaa lagu qabtay kadib howlgallo ay ciidanka Danab ee xoogga dalka iyo Daraawiishta maamulka Jubbaland ay ka fuliyeen degaannada Yadi iyo Xaliimo Caddey oo hoos taga degmada Badhaadhe ee Jubbada hoose.
Howlgalladan oo ahaa kuwa qorsheysan ayay sidoo kale Ciidamada wada jira kaga furteen khawaarijta saanad ciidan, sida ay warbaahinta Qaranka u sheegeen saraakiisha howlgalka hoggaamineysay, waxayna intaa ku dareen in ay ku raad joogaan firxadka khawaarijta.
