Ruunnirgood (SONNA): Ciidanka xoogga dalka Soomaaliyeed gaar ahaan guutada 24-aad ee Khaalid binu walid
ayaa hawlgal lagu bur buriyey fariisimo ay Khawaarijtu lahaayeen ka sameeyey deegaano dhaca xadka gobollada Shabeellada dhexe iyo Galgaduud.
Hawlgalkan oo ahaa mid qorshaysan ayey ciidanka xoogga dalku ku bur buriyeen fariisimooyin Khawaarijtu ku lahaayeen dhulka hawdka ah ee dhaca deeganaas, kuwaas oo ay ku dhuumaalaystaan iyaga oo doonaya iney isku aruursadaan dhagarna ka soo maleegaan.
Saraakiisha hoggaaminaysay hawlgalka ayaa warbaahinta Qaranka u xaqiijiyey in hawlgalkan uu ahaa mid guulaystay, laguna naafeeyeey cadawga argagexisada oo damacoodu yahay dhibaataynta shacabka Soomaaliyeed.
Ciidanka xoogga dalka Soomàaliyeed ayaa hawlgalo lagu ciribtirayo Khawaarijta ka wada gobollada dalka, kuwaas oo qasaaro baaxad leh lagu gaarsiiyey argagixisada.
