Muqdisho-(SONNA)-Hantidhawraha Guud ee Qaranka, Abuukaate Axmed Ciise Guutaale ayaa Muqdisho ka furay kulan aqoon-iswaydaarsi muddo toddobaad ah socon doona.
Kulanka ayaa ku saabsan baarista foreensikada (forensic audits,) kaasi oo ay marti ku yihiin khubaro ka socota Xafiiska Hantidhawrka Guud ee dalka Uganda.
Aqoon-iswaydaarsiga ayaa waxaa la isku dhaafsan doonaa xog muhiim ah oo ku aaddan hannaanka la isku waafaqsan yahay ee samaynta baarista foreensikada, habka caddaymaha iyo ka warbixinta natiijooyinka.
