Muqdisho(SONNA):-Kooxda khawaariijta ah ee Al-shabaab waxay Shacabka Soomaaliyeed badeen dhibaato xanuun badan oo saamaysay dhan walba oo nolosha ah,kooxda khawaariijtu waxay dhaceen boqolaal hanti Soomaaliyeed ah taas oo isugu jirta lacago baad ah,beero,dhul iyo xoollo nool.
Khawaariijtu waxay sidoo kale dagaal adag la galeen ganacsiga Shacabka Soomaaliyeed oo ay goobtii cusub ee la furo ama suuq leh ba kusoo af jareen qaraxyo arxan daran.
Waxa sidoo kale kooxda khawaariijtu agoomaysay boqolaal Caruur Soomaaliyeed ah oo si dulmi ah u dishay aabayaashood goobo iyo gobolo kala duwan.
Warbaahinta Dowladda Federaalka Soomaaliya ayaa booqatay qaar ka mid ah Caruurta kooxda khawaariijtu agoomaysay kuwaas oo la hadlay warbaahinta iyagoo sheegay in ay waallidkood ku waayeen falalkii gurracanaa ee kooxda khawaariijtu ka geysatay magaaladda Muqdisho.
Xudayfa oo ka mid ah caruurta agoonta ayaa faahfaahin ka bixiyey sida kooxda khawaariijtu u dishay aabihii isagoo sheegay in aabbihii ahaa macalin dugsi” maalin maalmaha ka mid ah ayaa nala soo wacay waxa nala dhahay aabihiin wuu dhintay,macalin dugsi ayuu ahaa isagoo wadada soo marayaa ayuu la kulmay qarax gaari oo kooxda khawaariijtu fulisay” ayuu yiri Xudayfa oo ka mid ah Caruurta ay agoomaysay kooxda khawaariijtu.
Sidoo kale Farxaan oo ka mid ah Caruurta ay agoomaysay kooxda khawaariijtu ayaa uga waramay warbaahinta qaranka sidio kooxda khawaariijtu u dishay aabiihiis” aabahay Qaraxii Soope ayuu ku dhintay 14 october, waa nala soo wacay waxa nala dhahay aabihiin qarax ayuu ku dhintay aad ayaan u ooyay”kooxda naxariista daran waxay xanuun nooc walba ah u geysteen Shacabka Soomaaliyeed.
Kooxda khawaariijta ahi dhibkasta oo ay shacabka soomaaliyeed u geysatay waxa maanta uga aarguday Dowladda Soomaaliya ee uu hoggaamiyo DR Xasan sheekh Maxamuud oo guluf dagaal ku qaaday kooxda khawaariijra taas oo dhaxalsiisay khawaariijta in ay maanta gacan ku gabad yihiin.
