Muqdisho.(SONNA):- Agaasimaha Caafimaadka gobolka Banaadir Dr. Cabdiraxmaan Axmed Maxamuud ayaa maanta xafiiskiisa kulan kula yeeshay madaxda hayโaddaha Maxaliga ah iyo kuwa Caalamiga ah ee ka howlgalla gobolka Banaadir.
Kulanka ayaa waxaa ka qeyb galay dhamaan masuuliyiinta hayโaddaha la shaqeeya Agaasinka Caafimaadka Gobolka Banaadir, kuwaas oo madaxda cusub la wadaagay hannaanka lagu horumarin karo arrimaha caafimaadka.
Masuuliyiinta kulanka ka qeyb gashay ayaa si diiran waxay usoo dhaweeyeen magacaabista Agaasime Dr. C/raxmaan, iyagoo balan qaaday iney la shaqeyn doonaan.
Agaasimaha ayaa u mahad celiyay masuuliyiintii ka socday hayโaddaha Maxaliga ah iyo kuwa caalamiga ah, isagoo amaanay shaqada wanaagsan oo ay Shacabka Caasimadda u hayaan.
Agaasime Dr. C/raxmaan ayaa masuuliyiintii uu la kulmay kula dardarmay dardar gelinta shaqada iyo xoojinta wada shaqeynta maamulka gobolka Banaadir, sidoo kale, Masuuliyiinta hayโadaha ayaa balan qaaday in ay sii xoojinayaan wada shaqeynta, dardar gelinta shaqada iyo howlaha baaxada leh oo ay ka fulinayaan gobolka Banaadir.
Ugu dambeyn, Agaasimaha Caafimaadka Gobolka Banaadir mudane Dr. Cabdiraxmaan Axmed Maxamuud ayaa balan qaaday inuu sii wadayo wada shaqeynta hayโaddaha iyo dhameystirka qorshayaasha lagu horumarinayo Caafimaadka Gobolka Banaadir.
