Addis Ababa(SONNA):-Wasiiru Dowllaha Wasaaradda Caafimaadka Dr. Maryan Maxamad Xuseen oo matalaysa Dowladda Federaalka Soomaaliya ayaa ka qeybgashay Kalfadhiga 36-aad ee Madasha Wasiiradda caafimaadka CDC Africa kaas oo ka dhacay magaalada Addis Ababa ee dalka Ethiopia.
Ujeedada kulanka ayaa ahaa xoojinta Nidaamka Caafimaadka ee Afrika iyo kor u qaadida Wadashaqeynta Wasaaraddaha, dhanka kale kulanka waxaa lagu soo bandhigay wax qabadka CDC Afrika iyo qorshaha ay hiigsanayso.
Wasiiru Dowllaha Wasaaradda Caafimaadka Dr. Maryan Maxamad ayaa kulama gaar gaar ah la yeelatay Wasiiradda Caafimaadka ee dalalka kenya, Etoobiya, Ugaanda iyo South Sudan; halkaas oo kawada hadleen sidii loo xoojin lahaa iskaashiga dhanka caafimaadka ee Soomaaliya iyo dalalkaas.
Kalfadhiga 36-aad ee Barnaamijka hoggaanka Sare ee heerka Wasiiradda Caafimaadka ee xubnaha Afrika CDC iyo Golaha Midowga Afrika waxaa goobjoog ahaa qaar kamida madaxweynayaasha dalalka Afrika, Ag. Agaasimaha Guud ee Afrika CDC Dr. Ahmed Ogwell Ouma iyo dhammaan Wasiirada.
Ugu dambeyntii Madasha Kalfadhiga 36-aad ee Wasiiradda CDC Africa waxaa la isla qartay in Wasaaraddaha Caafimaadka ay sii xoojiyaan Nidaamka Caafimaadka ee Afrika, qeyb weyna ay ka qaataan sidii loo adkeyn lahaa Wada shaqeynta si loo gaaro hormar caafimaad oo Waara.
