Muqdisho(SONNA):-Safiirka dowladda Mareykanka ee Soomaaliya Amb Larry Andre ayaa wareeysi uu siiyay Warbaahinta Qaranka kaga hadlay bixitaanka ciidamada howlgalka Midawga Afrika ee ATMIS taa oo ay horay dowladda u shaacisay in ay dalka isaga baxayaan dhammaadka 2024, si buuxdana guud ahaan amniga dalka ay ula wareegi doonaan ciidamada Qaranka Soomaaliyeed.
Safiirka ayaa sheegay in ay muhiim tahay dhaqan galinta qorshaha kala guurka ah ee xiliga ciidanka Qalabka Sida ay kala wareegayaan ATMIS guud ahaan ammaanka dalka, islamarkaana ka bixitaanka ciidanka amisom ee Soomaaliya kadib amnigu ay dowladdu la wareegto, dhamaadka 2024.
“Waa muhiim qorshaha kala guurka ah ee xiligan ciidanka qalabka sida ee Soomaaliyeed ay kala wareegayaan guud ahaan ammaanka dalka, islamarkaana ka bixitaanka ciidanka ATMIS ee Soomaaliya kadib amnigu ay dowladdu la wareegto, dhamaadka 2024” ayuu yiri safiirka Mareykanka.
Amb Larry Andre ayaa timaamay in loo baahanyahay qorshe iyo isku dabarida howlahaasi oo wadajira ah si wanaagsan looga wada shaqeeyo oo la iskula xiriiro, ATMIS ay dowr muhiim ah ay ka cayaarto sidii loo dhameystiri lahaa guulihii nabadda iyo amni ku soo dabaalidda ee qorshuhu ahaa, iyagoo talaabo kasta la kaashanaya ciidamada qalabka sida ee Soomaaliyeed.
Dhanka kale safiirka ayaa bogaadiyay shaqada wakiilka Midowaga Afrika Amb. Mohammed El-Amine Souef. ,waxa uuna yiri “runtii waan u riyaaqay shaqadiisa waa qabiir, waa shaqsi leh xirfada wanaagsan oo dhanka diplomaasiyadda ah, wuxuu ka soo shaqeeyey wadamo badan oo ay kajiraan xasarado, sidoo kale dalkiisa wasiir arimo dibadeed ahaan ugu soo shaqeeyey, wuxuu ku guulaysan karaa isku xir wanaagsna uu u sameeyeyo wada shaqeynta ciidanka Soomaaliyeed iyo howlgalka midowga Afrika.
Ciidanka ATMIS ayaa mudda joogay Soomaaliya kuwaa oo dowladda ka tageerayay arrimaha amniga iyo dagaallada ka dhanka ah khawaarijta ayaa lagu wadaa in dhamaadka sanadka 2024 ay isaga baxaan guud ahaan dalka,waxaana amniga dalka la wareegayo sida la qorsheeyay ciidamada Qaranka oo xiligan ku filan sugida amniga guud ahaan dalka.
