Muqdisho (SONNA)-Madaxweynaha Dowlad Goboleedka Galmudug mudane Axmed Cabdi Kaariye iyo wafdi ballaaran oo hoggaaminayay ayaa caawa soo gaaray magaalada Muqdisho ee caasimadda Dalka.
Madaxweynaha Galmudug iyo wafdigiisa ayaa waxaa si diirran ugu soo dhaweeyay Garoonka Diyaaradaha ee Adan Cabdulle Masuuliyiin ka tirsan Gobolka Banaadir, qaar ka mid ah Golaha Wasiirada Xukuumadda Federaalka Soomaaliya iyo xubnaha labada Aqal ee Baarlamaanka Federaalka Soomaaliya, masuuliyiin iyo madax kale oo ka tirsan Dowlad Goboleedka Galmudug.
