Muqdisho-(SONNA) Senator Ayuub Ismaaciil Yuusuf oo la hadlay Radio Muqdisho ayaa soo dhoweeyay doorashadii guddoonka Guddiga doorashada Somaliland.
Senator Ayuub ayaa xusay in la wada sugayay qabsoomidda doorashada, isagoo Raโiisul Wasaare Rooble uga mahadceliyay dadaalkii uu ku bixiyey isu keenidda Siyaasiyiinta Somaliland.
โRuntii maanta waxaa la qabtay doorashada Guddoonka Kuraasta Gobollada Waqooyi, waxayna ahayd doorasho ku dhacday si hufnaan ah, iyadoo doorashada ay intooda badan soo xaadireen, doorashaduna si cadaalad ah ayay ku dhacday, waana soo dhaweynayaaโ. Ayuu yiri Senator Ayuub.
Senator Ayuub Ismaaciil Yuusuf ayaa tilmaamay in doorashada ay korjoogteynayeen hayโadaha kala duwan ee dowladda, Wakiillo ka socday beesha Caalamka iyo xubno kale, isagoo xusay inay aad ugu wada qanceen hannaankii ay u dhacday doorashada Guddoonka Guddiga labada Aqal ee Somaliland.
