Ciidanka xoogga dalka Soomaaliyeed ayaa howlgallo qorsheeysan kasameeyay degaanno katirsan Gobolka Shabeellaha hoose, halkaas oo ay Aragagixisadu ku aaseen miinooyin.
Howlgalka oo ay sameeyeen ciidanka sida gaarka ah u tababaran ee xoogga dalka iyo ururka 4-aad guutada 17-aad kumaandooska xoogga dalka gor-gor ayay kasameeyeen tuulooyin hoos taga degaanka bariirre ee gobolka Shabeelada hoose kuwaasi oo ay kamid yihiin Ballow iyo Nuunnaay.
Taliyaha uruka 4-aad ee kumaandooska xoogga dalka gor-gor ayaa sheegay in howlgalka Ciidamada ay ku guuleysteen inay kusoo saaraan Afar ka mid ah miinooyinka dhulka lagu aaso , kuwaas oo lagu aasay inta udhexeeysa degmada Awdheegle iyo degaanka bariirre ee Gobolka Shabeellaha hoose.
Taliyaha uruka 4-aad ee kumaandooska xoogga dalka gor-gor ayaa howlgalkan ku sheegay in uu yahay mid looga hortagayo weerarada Ururka Al-Shabaab ay mararka qaar ka fuliyaan degaannada Gobolka Shabeellaha hoose.
