HARGEISA,(SONNA)-Doorashooyinka Golaha Wakiiladda iyo Deegaanka Somaliland oo gobolada intoodii badnayd la shaaciyay natiijada kasoo baxday doorashadii halkaasi ka dhacday 31-bishan MAY.
Gudiyadda heer gobol ee komishanka Doorashooyinka Somaliland ayaa ku dhawaaqay natiijooyinka hordhaca ah ee doorashadii loo dareeray 31-bisha MAY, shan Gobol iyo Dhamaan degmooyinka Darajadda B C iyo D ayaa ilaa hadda lagu dhawaaqay iyadoon weli aan lagu dhawaaqin Gobolka Maroodijeex. Oo la filayo in saacadaha soo socda lagu dhawaaqo.
Golaha Wakiiladda Somaliland ayaa hadda waxa natiijada ay haystaan udhigan tahay sidan:-
1- Xisbiga waddani isagoo haysta 24 kursi 2- Xisbiga Kulmiye isna haysto 22 kursi
3-Xisbiga Ucid haysto 16 Kursi.
Waxaase si wayn isha loogu hayaa Gobolka ugu balaadhan Somaliland ee Maroodi-jeex oo aan wali lagu dhawaaqin Natiijadiisa.
Waxa sidoo kale xusid mudan inaanay xildhibaanada soo baxay ilaa hada aanay kujirin Hal qof oo haween ah oo kusoo baxday tartankii Doorashada.
Doorashadan ayaa ahayd laba doorasho oo isku lamaan, waa markii ugu horaysay oo doorasho noocan ahi ayka dhacdo dhulka Soomaaliyeed.
Maamulka Somaliland ayaa xaqiijisay sugidda amniga dadka codkooda dhiibanayay iyagoo laamaha amaanka Somaliland sheegay inay doorashadii isku sidkanayd kusoo dhamaatay guul taariikhi ah.
