Muqdisho (SONNA)-Kulan wadatashi ah oo lagu dhirigelinayo wax soo saarka Beeraleeyda Gobalka Shabeelaha Dhexe ayaa lagu qabtay magaalada Jowhar, kaasi oo diiradda lagu saaray sidii wax looga qaban lahaa fatahaadaha iyo horumarinta wax soo saarka beeraha.
Shirka oo ay si wadajir ah u soo qaban qaabiyeen Wasaaradaha Beeraha, Ganacsiga iyo rugta ganacsiga Gobalka Shabeelaha Dhexe ayaa waxaa kaloo diiradda lag usaarayaa muddada u soocdo oo ah laba cishe siddii loo horumarinlahaa Beeraleeyda Gobalka.
Ugu horeyn waxaa halkaasi ka hadlay Guddoomiyaha Rugta Ganacsiga Gobalka Shabeelaha Dhexe Caydiid Maxamed Cabdulle, wuxuu sheegay in loo baahanyahay in si wadajir ah loogu dhiirigeliyo beeraleeyda siddii ay qayb uga qaadan lahaayeen wax soo saarka dalka .
Wasiir ku-xigeenka Wasaaradda Beeraha iyo Waraabka ahna ku-simaha Wasiirka mudane Maxamed Bashiir Qaasim Daqare iyo Wasiirka Wasaaradda Ganacsiga iyo Warshadaha Hirshabeelle mudane Yaxye Ismaaciil ayaa waxa ay ka codsadeen iskashatooyinka iyo Beeraleeyda yar yar in ay u soo gudbiyaan baahiyadooda, si ay wax uga qabtaan, isla markaana loo horumariyo wax soo saarka beeraleyda Gobolka.
