Muqdisho (SONNA)- Agaasimaha Guud ee Wasaaradda Ganacsiga iyo Warshadaha Xukuumadda Federaalka Soomaaliya Mudane Cabdicasiis Ibraahim Aadan, ayaa maanta guddoomiyey shirka toddobaadlaha ahaa ee Wasaaradda oo lagu falan-qeeyey Siyaasadaha Ganacsiga, Warshadaha iyo weli ba Siyaasadda Ganacsiga yar-yar iyo Kuwa dhaxe oo Wasaaraddu ay muddooyinkii dambe ku mashquulsanayd diyaarintooda soona maray marxalado kala duwan oo iskugu jira falan-qeyn iyo la-tashiyo laga la soo sameeyey Ganacsatada, Warshadlayda iyo hay’adaha dawladda ee ay khusayso .
Siyaasadahan oo si hufan loo diyaariyey, ayaa ahmiyad weyn u leh guud ahaan dhaqaalaha dalka, waxaana ay wax-weyn ka tarayaan siddii wadanku isku-filnaanshiyo uga gaari lahaa dhinacyada wax-soo-saarka, dheeli-tirka Ganacsiga Soomaaliya la lee dahay dalalka caalamka iyo taageerista iyo horumarinta ganacsiyada ka jira Soomaaliya.
