MUQDISHU-(SONNA)- Ciidamada kumaandooska Soomaaliya ee sida gaarka ah u tababaran ee Danab ayaa xalay howlgal ay ka sameeyen duleedka deegaanka Tooratoorow ee gobalka shabeellada hoose waxa ay ku dileen horjoogayaal ka tirsan maleeshiyaadka Al-shabaab.
Howlgalka oo ahaa mid qorsheeysan ayay ciidamadu ku dileen sideed ruux oo isgu jirta horjogayaal iyo maleeshiyaadka AL-shabaab kuwaasi oo uu qorshaha howlgalku ahaa.
Taliyaha Ciidanka xoogga dalka Soomaaliyeed S/guuto Odawaa Yuusuf Raage ayaa Idaacadda Ciidamadda Qalabka Sida usheegay in horjoogayaasha la dilay ay ahaayeen kuwo dhibtaato badan ku hayay Ummadda Soomaaliyeed, islamarkaasna la soo afjaray.
