Ciidanka deegaanka ee ku sugan gobolka Hiiraan ,isla markaana dagaalka kula jira Khawaarijta ayaa helay gargaar isugu jiray xoolo nool iyo raashin oo ka yimid qaar kamid ah Jaaliyadaha Soomaaliyeed ee ku nool qurbaha.
Deeqdaan oo ah mid dhiirigalin ah oo loogu talagalay ciidamada dagaaslka kula jira khawaarijta waxaa maanta la gaarsiiyay kuwa deegaanka ee ku sugan Halgan iyo Buulo-burde.
Guddoonsiinta deqdaan waxaa ka hadlay Guddoomiye ku xigeenka Degmada Buula-burde Jaliil Ciise Foodcadde iyo nabadoon Xaraare,kuwaas oo ka waramay guulaha ciidanka deegaanka iyo dadaalka ay ugu jiraan in kooxaha nabad-diidka ay ka xoreeyaan deegaanada yare e weli ku jira gacanta kooxahaasi.
Ciidanka deegaanka Gobolka Hiiraan oo gacan ka helay ciidanka xoogga ayaa xilligaan howlgallo sifeyn ah ka wada deegaanada dhaca jiinka wabiga Shabeelle.
