Jowhar-(SONNA)-Ururka 164-aad ee Ciidanka kumaandooska Danab ayaa howlgal lagu Xaqiijinayay ammaanka ka sameeyay deegannada kala ah Daaru nimca, Al-koowsar, Cadcaddeey iyo degaanno kale oo ku yaalla xudduudka ay wadaagaan labada gobol ee Shabeellada dhaxe iyo Galgaduud.
Taliye ku Xigeenka ururka164-aad ee kumaandooska DANAB XDS X/le, Xasan Aadan Axmed oo hoggaaminayay howlgalkan ayaa sheegay in khawaariijtu bisha barakeysan ee Ramadaan ay dhibaateyaan dadka shacabka ah ayagoo u geysta dhac ay ugu yeeraan zakawaat.
Geesiyaasha naftood hurayaasha ah ee ciidanka kumaandooska Danab ayaa ku laba laabay baacsiga firxadka khawaarijta.
