Muqdisho-(SONNA)-Wasiirka Wasaaradda Caafimaadka iyo Daryeelka Bulshada XFS Dr. Cali Xaaji Aadam ayaa furay kulanka wadatashiga ee Xeer-Nidaamiyayaasha Daawada iyo Agabka Caafimaadka oo ay soo qabanqaabisay Hayโadda KMG ah ee Daawada Soomaaliya, iyadoo ujeedada kulanka uu ahaa la-tashiyadda hayโadaha Bah-wadaagta la ah Wasaaradda Caafimaadka.
Xeerarkan cusub ayaa loogu talagalay in lagu horumariyo laguna nidaamiyo daawada iyo agabka caafimaadka laga bilaabo shirkadaha soo saara Daawada ilaa heerka uu bukaanku isticmaalayo iyo in Jamhuuriyadda Federaalka Soomaaliya ay dammaanad qaaddo tayada badqabka iyo waxtarka daawada.
Wasiirka ayaa ku dhiirrigeliyay ka qaybgalayaasha, gaar ahaan hayโadaha bah-wadaagta la ah Wasaaradda in ay ku biiriyaan talooyin iyo khibrado wax ku ool ah, si loo helo xeerar Damaanad qaada Badqabka Bulshada, isla markaana gacan ka geysta horumarinta ganacsiga Daawada.
Ka qeyb galka Wasiirka ee barnaamijkan waxa ay caddeyn u tahay siyaasadda Wasaaradda ee ku wajahan nidaaminta iyo maaraynta daawada iyo agabka caafimaadka, iyadoo xukuumaddu mudnaan siinayso tayaynta caafimaadka si ay ula jaanqaadaan heerarka gobolka iyo kuwa caalamka.
